Latest News
- Ուսումնասիրությունը պարզել է Ալցհեյմերի հիվանդությամբ տառապող մարդկանց ցավի ընկալումը
- Չինաստանի CSPC Pharma-ն համագործակցում է Pfizer-ի հետ՝ COVID-ի բուժման համար հաբեր ստեղծելու համար
- Ռուսաստանի առողջապահության նախարարությունն առաջարկում է բժշկական սարքերի շրջանառության ժամանակ խախտումների ռիսկի նոր ցուցանիշներ
Ամպերում վտանգավոր մանրէներ կան. Ուսումնասիրություն
Ֆրանսիացի գիտնականները պարզել են, որ դեղերի հանդեպ կայուն մանրէներ անգամ ամպերում կան։ Այս բացահայտման մասին հրապարակվել է Science of The Total Environment ամսագրում, տեղեկացրել է AFP-ն։
«Մանրէները սովորաբար ապրում են բուսականության, օրինակ՝ տերևների մակերեսին կամ հողի մեջ։ Մենք հայտնաբերել ենք, որ դրանք քամու միջոցով տարածվում են մթնոլորտում և կարող են տարածվել ամբողջ աշխարհով՝ մեծ հեռավորություններ կտրելով, նաև բարձր վայրերում՝ ամպերում»,- ասել է հետազոտության առաջատար հեղինակ Ֆլորենտ Ռոսին։
Գիտնականներն ուսումնասիրել են նմուշներ մթնոլորտային հետազոտությունների կայանից, որը տեղակայված է եղել 1465 մետր բարձրության վրա, կենտրոնական Ֆրանսիայում՝ քնած հրաբխի գագաթին։ Ուսումնասիրությունը ցույց է տվել, որ ամպերը պարունակել են մեկ միլիլիտր ջրի համար 330-ից մինչև ավելի քան 30 հազար մանրէներ, միջինում՝ մոտ ութ հազար մանրէ մեկ միլիմետրի համար։
Կենսաբանները նաև հայտնաբերել են հակաբիոտիկների հանդեպ մանրէների կայունության գեների 29 ենթատեսակ։ Դեղերի հանդեպ կայունությունն առաջանում է այն ժամանակ, երբ մանրէները ենթարկվում են հակաբիոտիկների ազդեցությանը և «իմունիտետ» են ձեռք բերում դրանց հանդեպ մի քանի սերնդի ընթացքում։
Գիտնականների կարծիքով՝ ռիսկերն ընդհանուր առմամբ ցածր են մնում, քանի որ մանրէների մեծ մասը չի կարող ապրել ամպերում։ Սակայն մթնոլորտի ուսումնասիրությունը կարող է օգնել որոշել դեղերի հանդեպ կայուն մանրէների աղբյուրները՝ դրանց տարածումը սահմանափակելու համար։