Նորություններ

Նորություններ

Օտարերկրյա պատվիրակները գովաբանում են Հնդկաստանի առողջապահական ենթակառուցվածքներն ու մասնագետներին

Ժամանած պատվիրակները փոխըմբռնման հուշագիր են ստորագրել երկրի մասնավոր հիվանդանոցների հետ սերտ համագործակցության վերաբերյալ: Առողջապահության նախարարության կողմից հրապարակված հայտարարության մեջ նշվում է՝ այս համաձայնագրերը ներառում են համագործակցություն կլինիկաների հետ, կլինիկական հետազոտություններ, կարողությունների զարգացում, ճանապարհորդություն դեպի Հնդկաստան, աջակցություն բուժքույրական հմտությունների զարգացմանը, դասավանդմանը և այլն:

• By ANI
• Apr 29, 2023

«Մեկ երկիր, Մեկ առողջություն; Advantage Healthcare India 2023»՝ G20-ի համատեղ միջոցառման այցելու պատվիրակները գնահատեցին և ողջունեցին Հնդկաստանի որակյալ առողջապահական ենթակառուցվածքը և մարդկային ռեսուրսները, այդ թվում՝ Սոլամիայի առողջապահության նախարար Ալի Հաջի Ադամ Աբուբաքարը:

ANI-ի հետ զրույցում Սոմալիի առողջապահության նախարարը նշեց, որ իրենց երկրում բժշկական դեղագործական արտադրանքի մեծ մասը գալիս է Հնդկաստանից:

Աբուբաքարը մասնակցել է «Advantage Healthcare India» միջոցառման 6-րդ համագումարին:

Ժամանած պատվիրակները փոխըմբռնման հուշագիր են ստորագրել երկրի մասնավոր հիվանդանոցների հետ սերտ համագործակցության վերաբերյալ:  Առողջապահության նախարարության կողմից հրապարակված հայտարարության մեջ նշվում է՝ այս համաձայնագրերը ներառում են համագործակցություն կլինիկաների հետ, կլինիկական հետազոտություններ, կարողությունների զարգացում, ճանապարհորդություն դեպի Հնդկաստան, աջակցություն բուժքույրական հմտությունների զարգացմանը, դասավանդմանը և այլն:

Ավելի վաղ՝ ապրիլի 26-ին, վարչապետ Նարենդրա Մոդին տեսաուղերձի միջոցով ասաց «Մեկ երկիր, Մեկ առողջություն; Advantage Healthcare India 2023» գագաթնաժողովի բացման խոսքը։

Վարչապետը շեշտեց Հնդկաստանի ուժը առողջության ամողջ ոլորտում՝ ասելով, որ «մենք օժտված ենք տաղանդով, տեխնոլոգիայով, ունենք փորձ և ավանդույթներ» ՝ ասելով, որ առողջության կանխարգելման և խթանման Հնդկական ավանդույթը յոգայի և մեդիտացիայի գործածության միջոցով այժմ դառնում է միջազգային շարժում: 

«Աշխարհը լուծումներ է փնտրում սթրեսի և կենսակերպի հետ կապված հիվանդությունների համար: Հնդկաստանի ավանդական առողջապահական համակարգերը շատ պատասխաններ ունեն»,- ավելի վաղ ասել էր նա: 

Վերջին տարիներին Հնդկաստանը դարձել է համաշխարհային կարգի առողջապահական ծառայություններ մատուցելու մատչելի վայր, ինչը հանգեցրել է նրան, որ երկիրը դարձել է բժշկական նպատակներով ճանապարհորդության մեծ կենտրոն: Գագաթնաժողովը ընտգծեց Հնդկաստանի բժշկական կարողությունները՝ միաժամանակ հնարավորություն ընձեռելով մասնակից երկրների միջև առողջապահական համագործակցությանը: Այցով ժամանած օտարերկրյա պետությունների առողջապահական մարմինների ներկայացուցիչները նույնպես օգտվել են Դելիի մասնավոր և պետական հիվանդանոցներ այցելելու հնարավորությունից:

Աբուբաքարը հավելեց. «Մենք անհամբեր սպասում ենք Սոմալիի և Հնդկաստանի կառավարությունների միջև հարաբերությունների հետագա ամրապնդմանը` աշխատելով այն մարտահրավերների վրա, որոնց բախվում են բժշկական օգնություն փնտրող քաղաքացիները»:

Մինչդեռ ՀՀ առողջապահության նախարար Անահիտ Ավանեսյանն իր հիացմունքն է հայտնել «լավ կազմակերպված AHCI գագաթնաժողովի կապակցությամբ»՝ ասելով, որ «Հայաստանն ակնկալում է Հնդկաստանի հետ առողջապահական ոլորտում գործընկերային հարաբերությունների ամրապնդում»։

Մալդիվների կառավարության առողջապահության պետական նախարար Շահ Աբդուլլա Մահիրն ասաց, որ իր համաքաղաքացիներն ընտրում են Հնդկաստանը որպես որակյալ առողջապահական ծառայությունների նախընտրելի ուղղություն, և երկիրը ակնկալում է ավելի ամրապնդել իր կապերը Հնդկաստանի հետ՝ բարելավելով բժշկական նպատակներով ճանապարհորդությունը:

Նաև գագաթնաժողովում Բանգլադեշի Առողջապահության և ընտանիքի բարեկեցության նախարար դոկտոր Զահիդ Մալեկեն իր երախտագիտությունը հայտնեց Միության կառավարությանը «Բանգլադեշի քաղաքացիներին բժշկական արժեք ունեցող ճանապարհորդությունների միջոցով որակյալ առողջապահական ծառայություններ մատուցելու համար»:

Գնահատելով Հնդկաստանի առաջընթացը բժշկական ճանապարհորդության ոլորտում ՝ Եգիպտոսի առողջապահության և բնակչության փոխնախարար Դոկտոր Ահմեդ Հուսեյն Շեհատա Էլսոբկին ասաց, որ գագաթաժողովն էլ ավելի կամրապնդի Հնդկաստանի և Եգիպտոսի հարաբերությունները:

Գուրուգրամայի հիվանդանոց այցելության ժամանակ Ինդոնեզիայի առողջապահության նախարարության տնօրեն Սուգիյանտոն ասել է,- «Ես Ինդոնեզիայի իմ ընկերներին կներկայացնեմ, որ Հնդկաստանում կան ժամանակակից հիվանդանոցներ և տաղանդավոր բժիշկներ»:

Օտարերկրյա բարձրաստիճան պաշտոնյաների այս դրական արձագանքը ընգծում է հնդկական բժշկական ճանապարհորդության ոլորտի ուժն ու հնդիկ բուժաշխատողների՝ մատչելի գներով որակյալ բժշկական օգնություն տրամադրելու կարողությունը:

Հնդկաստանը պարտավորվում է աշխատել միջազգային հանրության հետ՝ խթանելու արժեքների վրա հիմնված որակյալ առողջապահություն, ասվում է հայտարարության մեջ: