Նորություններ

Նորություններ

Հնդկաստանն ու Հայաստանը հուշագիր են ստորագրել՝ թվային փոխակերպման լուծումները բարելավելու համար

Բարձր գնահատելով Հնդկաստանի կողմից աղքատության դեմ պայքարի և ենթակառուցվածքների բարելավման նպատակով տեխնոլոգիաների կիրառումը՝ Հայաստանի նախարարը հույս է հայտնել, որ միասին աշխատելով հնարավոր կլինի մշակել տեխնոլոգիաներ՝ մարդկանց կյանքի որակը բարձրացնելու համար:

• By Pooja Chaturvedi Sah
• Jun 13, 2023

Հնդկաստանի և Հայաստանի միջև առկա համագործակցության հարաբերությունները զարգացնելու նպատակով՝ երկու երկրների միջև ստորագրվել է համաձայնության հուշագիր Հնդկաստանի Պունի քաղաքում «G20 Digital Economy Working Group»-ի հանդիպման շրջանակներում տեղի ունեցած «Գլոբալ թվային հանրային ենթակառուցվածք գագաթնաժողովի» (Global Digital Public Infrastructure (DPI) Summit) ժամանակ:

«Թվային փոխակերպումների համար բնակչության մասշտաբով իրականացված հաջող թվային լուծումների փոխադարձ տրամադրման ոլորտում համագործակցության մասին» խորագրով փոխըմբռնման հուշագիրը ստորագրվել է ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանի և Հնդկաստանի Հանրապետության էլեկտրոնիկայի և տեղեկատվական տեխնոլոգիայի նախարարության գլխավոր քարտուղար Ալկեշ Կուար Շարմանի կողմից: 

Ստորագրելով հուշագիրը՝ Հայաստանը և Հնդկաստանը պայմանավորվել են ընդլայնել համագործակցությունը ինստիտուցիոնալ համագործակցության խթանման, թվային փոխակերպման լուծումների իրականացման, արդիականացման   գնահատման և տեխնիկատնտեսական հիմնավորման  ոլորտներում:

Գագաթնաժողովի ժամանակ նախարար Մանթաշյանը հանդես է եկել ելույթով, որում նա շեշտել է տեխնոլոգիաների կարգավորման անհրաժեշտությունը՝ չսահմանափակելով դրանց զարգացումն ու աճը: Նա նաև կարևորել է թվային հանրային ենթակառուցվածքների կարևորությունը և դրանց ազդեցությունը օգտատերերի վրա: 

Բարձր գնահատելով Հնդկաստանի կողմից աղքատության դեմ պայքարի և ենթակառուցվածքների բարելավման նպատակով տեխնոլոգիաների կիրառումը՝ Հայաստանի նախարարը հույս է հայտնել, որ միասին աշխատելով հնարավոր կլինի մշակել տեխնոլոգիաներ՝ մարդկանց կյանքի որակը բարձրացնելու համար: 

Գագաթնաժողովի շրջանակներում նախարար Մանթաշյանը հանդիպումներ կունենա Հնդկաստանի պետական և մասնավոր հատվածների ներկայացուցիչների հետ: Ըստ նախարարության մամուլի հաղորդագրության՝ ակնկալվում են նաև քննարկումներ այլ երկրների պատվիրակների հետ:

Գագաթնաժողովը, որն անցկացվել է Հնդկաստանի G20-ի նախագահության հովանու ներքո, «Մեկ երկիր, մեկ ընտանիք, մեկ ապագա» թեմայով, միավորել է G20-ի անդամ երկրներին և թվային կառավարման ոլորտներում աշխատող 15 երկրների ներկայացուցիչների և միջազգային փորձագետների: Միջազգային կազմակերպությունները, քաղաքական գործիչները և թվային կառավարման ոլորտում աշխատող անձինք նույնպես ներկա էին գագաթնաժողովին, որի նպատակն էր կիսվել փորձառությամբ և ընդգրկել թվային հանրային ենթակառուցվածքը՝ միջազգային թվային տնտեսության զարգացման համար:

Գագաթնաժողովի շրջանակում տեղի կունենա նաև համաշխարհային թվային հանրային ենթակառուցվածքների ցուցահանդեսը, որտեղ «G20»-ի անդամները և հրավիրված երկրները կցուցադրեն իրենց բնակչության մասշտաբի թվային հանրային ենթակառուցվածքների մասին տեղեկություն։