Նորություններ

Նորություններ

Ռուսաստանի առողջապահական պատվիրակությունն այցելել է Սըր Գանգա Ռամ հիվանդանոց

Ռուսաստանի առողջապահական հաստատության առողջապահության ոլորտի մասնագետների պատվիրակությունը կիրակի այցելել է այստեղ գտնվող մասնավոր հիվանդանոց ՝ ծանոթանալու նրա բժշկական գործունեությանը:

• By PTI
• Dec 11, 2022

Ռուսաստանի գիտնական Նիկոլայ Պիրոգովի անվան Մոսկվայի պետական առողջապահական հաստատության թիվ 1 քաղաքային կլինիկական հիվանդանոցից 21 հոգուց բաղկացած պատվիրակությունն այցելել է Դելիի կենտրոնում գտնվող Սըր Գանգա Ռամի անվան հիվանդանոց հայտնել են հիվանդանոցի տնօրինությունից:

Ռուսական պատվիրակության բուժաշխատողներն այցելել են Սըր Գանգա Ռամի անվան հիվանդանոց՝ «բժշկական լավագույն գործառույթներն ուսումնասիրելու» և հիվանդանոցի բժշկական անձնակազմի հետ «աշխատանքային կապեր ստեղծելու», հայտարարությամբ հայտնել են հիվանդանոցից:  

Ողջունելով ռուսական պատվիրակությանը, Սըր Գանգա Ռամ Թրասթ Միության նախագահ դոկտոր Դ. Ս. Ռանան ասաց.«Մեզ համար մեծ հպարտություն է, որ մեր ռուս գործընկերները մեր հիվանդանոցի աշխատանքի հանդեպ հետաքրքրություն են ցուցաբերել»: «Մոսկվայի պետական առողջապահական հաստատության և Սըր Գանգա Ռամի անվան հիվանդանոցի միջև աշխատանքային կապերի հաստատումը կխթանի երկու հաստատությունների միջև ակադեմիական կապերի զարգացմանը։ Այն նաև կօգնի խթանել ակադեմիական և հետազոտական շրջանակները երկու մեծ ինստիտուտների միջև», - ասաց նա:

Ըստ Սըր Գանգա Ռամի անվան հիվանդանոցի իշխանությունների՝ պատվիրակությունը հատկապես շահագրգռված էր այցելել վերակենդանացման և ինտենսիվ թերապիայի բաժանմունք:  «Վստահ եմ, որ այս այցը կնպաստի երկու առողջապահական կազմակերպությունների միջև նոր հարաբերությունների զարգացմանը:  Մենք շահագրգռված ենք կիսել փորձառությունը՝ նպատակ ունենալով հետագայում ամրապնդել առողջապահական ոլորտը Հնդկաստանում և Ռուսաստանում և տրամադրել համաշխարհային մակարդակի հիվանդակենտրոն խնամք», - մեջբերում է Սըր Գանգա Ռամի անվան հիվանդանոցի ղեկավար (Կառավարման խորհուրդ) բժիշկ Աջայ Սվարուպը հայտարարության մեջ։ 

Պատվիրակության համար առանձնահատուկ հետաքրքրություն էր ներկայացնում զանգվածային ընդունելությունների դեպքում շտապօգնության բաժանմունքի կազմակերպումը, ներառյալ վնասվածքաբանությունը, վիրաբուժությունը, շտապ օգնության ռադիոլոգիայի ծառայությունները և շտապօգնության բաժանմունքում ախտորոշումը։